秋生舞台劇反應好余安安踢爆「做媒」
藝人黃秋生、余安安及楊淇等前晚為舞台劇《仲夏夜之夢》公演，散場後眾人接受訪問，秋生爆楊淇綵排時為角色爆喊，又指林德信最好的地方是乜都唔識！秋生又指首場反應非常好，他說：「有幾百個女學生睇得好開心，直頭係罐頭笑聲咁！」在旁的余安安即笑說：「媒嚟(口架)！」提到以貼身透視裝上陣，秋生指之前一晚只吃了即食麵，更稱日前望一望Pizza便遭余安安喝止：「隻手未擺埋去佢就話『做咩呀你！』」
而穿上「孖煙囪」演出的林德信被問到為何不以三角底褲上陣時，他說：「好多動作喎！其實我都想着三角褲(口架)！咁難得可以騷出嚟畀人睇！」他談到排戲扮瞓覺時，曾不小心被一支棍擊中右眼：「我想Impress導演所以繼續演，就扮夢遊，我一開眼就見到韋羅莎同楊淇兩個人變四個人！」本身想到急症室的他發現醫院門口碰巧有狗仔隊，怕麻煩的他所以折返。
