苟芸慧升呢姑媽探B唔捨得走

藝人苟芸慧（苟姑娘）日前榮升「姑媽」，弟婦為苟氏家族誕下首名B仔，由於苟姑娘及弟弟均不精於中文，故B仔將另找專人改名。心情興奮的她昨日接受電話訪問時表示，比弟弟更要高興，由於不想離開BB太耐，所以連楊怡及羅仲謙婚禮亦要缺席，她說：「BB重8.2磅，好可愛，我哋成家都好開心，希望BB可以平安、健康成長。（做姑媽感覺點？）感動又感恩，呢排好多身邊朋友都做父母，真係戥佢哋開心！」