阿佘「醉」後先走差啲仆親

「羅楊」大婚星光熠熠，其中佘詩曼玩到近凌晨12時才離開，明顯幾杯落肚的阿佘「紅都面晒」，腳步浮浮上車時差錯腳幾乎跌倒，幸有朋友扶實。擔任姊妹的唐詩詠不避忌與男友洪永城「同車」離開，坦言最感動的是羅仲謙一番情深說話：「佢話好多謝楊怡改變咗佢一生，感受到佢真係好錫阿怡！戥佢有個咁錫佢嘅老公而開心！」擔任兄弟的吳卓羲與王浩信全晚幫手頂酒，兩個大男人自爆同樣被感人氣氛搞喊，帶領「鬆弛熊」羅仲謙出場的吳卓羲說：「今日先叫我咁樣做，係秘密！我都喊呀！」