「萬人迷」碧咸與Victoria雖然工作多多，但仍不忘與4個仔女密密聚天倫，Victoria與大仔布魯克林（Brooklyn Beckham）昨日在社交網Instagram上載母子黑白合照，Victoria「有仔萬事足」咁冧爆攬住愛子，仲情深望住佢，真係隔住個Mon都感覺到溫馨！至於早前與影星嘉兒莫蕊茲（Chloe Moretz）分手的布魯克林就對鏡頭Chok爆，眼神與老竇一樣咁迷人，相信已經走出情傷，不少粉絲更留言大讚42歲Victoria保養得宜，拍住17歲愛子，似情侶多過似母子！