艾粒除衫掀高潮

艾粒兩位成員少爺占及當奴前晚在伊館開騷,吸引方力申、連詩雅及香港女飛魚歐鎧淳來捧場。少爺占和阿奴除衫半裸演出,炒熱全場氣氛。兩人笑言要學何韻詩搞「集體贊助」,想聖誕再開Part 2。問到是否在紅館開Part 2?他們指三年來只抽中一次,但由於得三個月時間根本冇時間準備。少爺占自稱仔細老婆嫩,明年不會開騷,留時間陪家人:「所以Part 2就快啲開,追多件……個騷啫!」

提到當奴獨唱時觀眾反應熱烈,他笑言:「佢哋好衰,唔畀我練歌。」少爺占即搶答:「大家怕佢愈唱愈好,就唔好笑,所以唔畀佢練。」