何倍倩五位數買架生自拍性感照

恒生新抱何倍倩（Anina）、名媛張翡玶（Feiping）、藝人陳瀅（Jeannie）及蘇麗珊等，昨日出席彩妝活動。

搵囡囡做model

Anina透露近來學攝影，常為囡囡扮靚試造型兼影靚相：「我買晒可以換嘅背景板同燈，搵囡囡嚟做模特兒試唔同嘅造型影相，我發覺自己都有藝術天分，原來做龍友都唔難。」並表示花費了五位數買專業相機。

她續透露現時結婚周年及節日均會操刀跟家人自拍留念，問到學識影相後會否影性感相集珍藏？她坦言：「如果唔使曬相，性感啲都可以自己keep，以前要拎出去曬就唔好啦。（尺度去到邊？）比堅尼係我嘅極限啦，性感要加埋我努力運動先得，如果唔努力運動，自己影完都唔敢睇番啲相。」

張翡玶意大利行禮

此外，與拍拖兩年、從事金融業未婚夫Lincoln訂婚的張翡玶，透露定了明年6月17日於意大利舉行婚禮，當日會邀請120名親友參與，婚禮會以西式進行，事前不會影婚紗相及搞婚前派對，更不會在港補擺喜酒，又揚言婚後會努力造人。

明年6月在意大利行禮的張翡玶，表示婚後會努力造人。	蘇麗珊昨日盛裝出席彩妝活動。	陳瀅自爆在美加旅遊期間，被外籍男士以眼神挑逗。

至於Jeannie透露剛與家人從美加郵輪旅行回港，期間有艷遇。她表示被一名外籍男士以眼神挑逗，但她自言只喜歡中國人，提到前男友何猷亨擁有葡國血統，她笑言：「佢都係中國人。」

文：名人組