牛雜妹患情緒病 失控爆喊
李美琪（Monnie）參選2015年港姐，憑「牛雜妹」之名一夜成名變網絡紅人，可惜入行一年發展平平，加上身形飽受抨擊，最終患上情緒病，終日在家以淚洗面！她接受訪問時更一度失控狂喊，她說：「我愈想做好，就愈做唔好，愈做唔好，就愈接唔到job！我唔想就咁放棄，但係我真係好驚！」
去年無緣進入港姐16強的Monnie，當初有傳蕭定一有意將她「收歸旗下」，但Monnie最後簽約規模較細的公司起步。可惜出道一年依然星途平平，加上身材飽受抨擊，最終患上情緒病。她說：「其實我同其他人入行方式好唔同，我本身由一個寂寂無聞嘅平凡人，因為『牛雜妹』呢個名，一夜之間好似變到人氣高企咁，將我由地捧咗上天，但係好快又將我從天打番落地。嗰陣每個人都同我講我要紅首先就要瘦，我知道，我亦都好努力去減，但係偏偏我愈想做好，就愈做唔好，愈做唔好，就接唔到job，我真係好驚！」
愈努力愈失敗
「做人如果冇夢想同條鹹魚冇分別！」但Monnie偏偏沒有信心抓緊夢想，壓力亦非常大。她說：「我真係有努力，我已經好努力，我知我要堅強啲，我知我要長大，但係有啲說話真係好難聽，特別係關乎到屋企人嘅說話，而且最難受嘅係你明明知道自己想要乜，但係冇信心做到。」
全靠家人支持
事過境遷，如今Monnie收拾心情簽約新公司重新出發，回看過往艱辛日子，全賴家人陪伴。她說：「嗰段日子情緒好差，我最對唔住係我屋企人，我仲記得我家姐同我講：『唔緊要o架，你記住你係做緊你鍾意嘅嘢，就算唔得，爹哋媽咪都唔會怪你。你真係唔得，你唔好做囉，冇事，唔使驚！』不過家姐知我好鍾意（娛圈工作），咁樣講係激勵我。」
場地：御前上茶
文：專案組
攝：張福宏