李施嬅掃超市大出血

前港姐李施嬅近日到新西蘭為華裔小姐選舉擔任評判及表演嘉賓，平日喜歡下廚並講究天然食材的她一有空便去超市掃貨：「嗰邊啲超級市場又大、又多天然食物賣，我去到簡直癲咗！仲開心過去巴黎、米蘭Shopping！哈哈！」今次新西蘭之行，李施嬅笑言名副其實滿載而歸：「買咗好多花膠，奇異果都買咗兩箱，仲有蘿蔔、奶、蝦連雞都有買，返嚟煮咗個浸雞，真係好好味！兩個篋好快爆咗，要再加多三箱食物返嚟，今次買嘢用咗五位數，酬勞都唔夠我喺超市掃貨！」