曹敏寶「妝後」兩個樣

歌手曹敏寶（Abo）近年搶攻Hi-Fi界重新出發，今年更推出第三張發燒專輯，講述心路歷程：「有首新歌叫《妝後》，社會潮流着重包裝，但有時就會迷失咗自己，可能係要迎合朋友同工作而唔係做緊自己，所以想提出當你卸下一切先係最真實嘅自己。」入行十年，Abo坦言曾有迷失，今次也有唱出自己的心路歷程：「今次最想唔好執音，原音直出就最好，做自己真我。」提到家姐曹敏莉再懷孕，Abo爆對方主理家中大小的健康：「佢自從有小朋友之後乜都自己整，如果大家覺得有咩健康問題，就會去佢屋企食吓嘢。」