玄學星相：疊水鍾嘉欣生B坐2望4

貴為2004年華姐冠軍的鍾嘉欣，感情事向來低調，直至上年驚爆與溫哥華脊醫Jeremy拉埋天窗，還火速成功造人，剛於8月底宣布誕下女兒Kelly。嘉欣曾揚言婚後計劃生四個BB組織大家庭，到底能否如願呢？子才師傅指她很大機會有四個小朋友：「你睇番佢嘅命格，佢喺農曆三月出生，命格中『金』同『水』都比較多，要生係可以繼續生落去！佢嘅命格見到最少有兩個小朋友，咁佢要生四個就辛苦啲，但都可以嘅！」相信大家最關心是嘉欣何時復出幕前，子才師傅指她應該最少生兩個小朋友，最快也要2018、2019年，若以玄學角度去睇，嘉欣要全面復出最快都要2020年：「到時佢會再轉五年辛苦工作運，所以最快要2020年先復出。」

張名雅旺夫半退休

另一位選美出道、2007年港姐冠軍張嘉兒早前誕下女兒Leora，五官深邃十分靚女，究竟會否跟媽咪選港姐或從事演藝事業呢？子才師傅指Leora在命格上不大機會做藝人，反而會做生意或者處理財務的工作。

放大圖片	張嘉兒的女兒冇乜選美冠軍相，反而做女強人啱啲。	放大圖片

至於2012年港姐冠軍張名雅剛於9月9日下嫁律師男友，還默認雙喜臨門，到底會否退出幕前專心相夫教子？子才師傅表示大有可能：「睇番佢嘅大運係行緊旺夫運，旺夫運係點？即係佢自己又可以唔使點做，都可以旺到老公愈做愈好，所以佢婚後可能處於一個半退休嘅狀態，全職引退做媽咪一啲都唔出奇！」想繼續聽師傅點講？只要Click入《東網巨星》的「視娛樂」，睇《玄學星相》就更啱Feel！

陳子才論盡幾位冠軍人妻，唔睇就走寶！

雙喜臨門的張名雅一副旺夫格，可以印印腳享少奶福！

文：專案組

https://goo.gl/escG3f