張子丰拍拖5年結婚拖字訣
歌手張子丰日前為新歌《拖》接受電台訪問，他表示「拖」有多個解釋，既有拍拖之意，亦有意味着一段感情，一直拖延對方、拖累對方的意思。問到是否他的心聲？子丰坦言已有拍拖五年的女朋友，而身邊不少男性朋友都有同一心聲，就是到適婚年齡都要面對的結婚問題，奈何事業及心理上都未準備好，但又擔心女友因而決定分手。
問到可有結婚計劃？子丰說：「以前細個就想28歲結婚，30歲生仔女，但今年已經28歲喇，就想30歲先諗。（唔驚女友走咗去？）都驚拖吓拖吓真係冇咗，不過都同佢講想有啲事業先，惟有畀佢睇到我真係好努力為事業拚搏啦！」子丰透露現時除了唱歌外，亦獲內地節目邀請做導演拍微電影，為將來努力賺「人仔」。