余文樂650萬新超跑出巡

「新歡」靚仔冇失禮，難怪阿樂笑得咁燦爛！

身為愛車一族的余文樂雖然擁有不少靚車，但對跑車情有獨鍾的他，早前又豪爽地一擲約650萬港元，購入香港只得10部的「McLaren 675LT」限量超跑，更隨即在社交網大晒「新歡」的靚仔相。

360度鑑賞

前日凌晨約一時，阿樂已急不及待帶「新歡」外出拍拖，戴上Cap帽、一身Casual打扮的阿樂駕駛超級辣跑出巡大坑，期間見記者在場，即友善地笑笑口打招呼，阿樂下車後即步往會合兩名男友人，其中一名男友人駕駛電單車前來，但連頭盔也未脫下，阿樂即急不及待上前指着友人的「烈火戰車」研究，見他對該電單車甚感興趣，問長問短之餘，又環迴360度欣賞其外形，看來愛車如命的阿樂，似乎又想娶多個「二奶」，變身做鐵騎士！

阿樂「新歡」香港限量10部，揸出嚟都型過人！	阿樂檢查升高咗嘅車門。	阿樂不停(目及)住友人部「烈火戰車」，唔通又心郁？

文、攝：追蹤組