周秀娜與電腦談情

藝人周秀娜（Chrissie）昨日於上環出席電腦活動，她透露渴望組團打機：「平時動作戲好多危險動作，真人做難免會整親，但打機就唔會危險，可以打打殺殺。我好想搞一隊電競團交流吓。（唔怕被網友騷擾？）我都可以騷擾佢哋，我會不停講嘢！」問會否介意在網上識男仔？她說：「做朋友OK，但要耐啲時間，傾耐啲睇下信唔信得過。（約出嚟見面？）冇所謂。（試過未？）未呀，依家網上可以玩直播，唔使見面。（視像識男仔？）唔係為呢樣，純粹大家鍾意玩個Game去交流。」Chrissie又自認「宅女」：「平時工作好忙，娛樂都喺網上度過，電腦係我情人。」