李漫芬未擇日今年嫁唔出
藝人曾志偉與無綫娛樂主播李漫芬（Fanny）昨日到元朗出席活動，Fanny的未婚夫Alvin（談成坤）專誠撐未婚妻，手戴求婚戒指的Fanny說：「婚期要搵師傅擇日，唔會係今年。（搵志偉做婚禮司儀？）佢咁貴，點請得起！」
問到Alvin鍾意Fanny甚麼？他說：「鍾意佢着衫靚，唔工作時好細路女。（女友被質疑年紀唔細？）我只擔心我哋識得遲！（姊弟戀有壓力？）冇！我年紀都唔細，皺晒皮啦！」志偉即場見完Alvin亦不忘讚對方：「李漫芬男友幾好，幾結實、有心有力，個樣老老實實！」另外，他透露計劃明年重做《歡樂今宵》等經典節目，慶祝無綫50周年。
