糖妹處女騷「舞」啲驚喜

歌手糖妹前晚舉行首個個唱，獲好友陳瀅、陳嘉寶、王敏奕與男友曾國祥等到場支持。糖妹請來張繼聰、糖兄及師弟伍定彥做嘉賓，阿聰坦言與糖妹同一唱片公司，早前一起拍攝的劇集《幕後玩家》將於下月播出：「大家睇完肯定覺得佢耳目一新，做得非常好！」而「糖兄妹」難得合體演出，糖妹笑言一直當糖兄是電話熱線，經常半夜致電對方：「有個阿哥好好多！」首次在台上大跳勁舞的糖妹，邊跳邊唱多首快歌近八分鐘，她說：「如果我要做唱跳歌手，有冇人支持呀？」受訪時，問到為何不跳有女人味的舞？糖妹笑說：「我諗冇人想睇我女人味啲。」