陳法蓉爆梁佩瑚託中間人道歉

早前在節目中爆「選美黑幕」的梁佩瑚，指同屆冠軍陳法蓉（Monica）當年違例拍攝周刊封面，事後當眾落淚扮委屈甩身，而Monica事隔多日於微博反擊對方，火藥味濃，但劇情突然峰迴路轉！Monica前晚出席慈善籌款活動開幕禮時透露約兩星期前，收到梁佩瑚透過一位前輩轉發給她的道歉訊息：「佢強調係聽人哋講o既，覺得麻煩到我，同我講對唔住，都叫我可以公開訊息出嚟，但我覺得唔需要咁做！同埋我哋一直冇來往，但佢託人搵我，我覺得佢有誠意嘅，既然佢都道咗歉，件事就告一段落。」

暗寸朱潔儀無中生有

對於同屆港姐亞軍朱潔儀其後再爆當年選美的是非，她疑似暗寸對方：「我有睇，九成以上講嘅都無名無姓，冇根冇據！我冇需要為啲無中生有嘅嘢回應。」至於Monica早前在西藏拍電影時出現高山反應，更一度休克，回港後已慢慢康復，下月底踏入50歲的她笑言生日主題是「未死得」：「既然我今次唔死得，應該同朋友、屋企人好慶祝，唔會將呢啲事放喺心。」

對唔住囉！（設計對白）	朱潔儀加入戰團，疑被陳法蓉暗寸無中生有。	李姿敏接受練馬師男友的求婚，但仍未決定婚期。

李姿敏喊住接受求婚

同場的前港姐亞軍李姿敏日前接受了澳洲籍練馬師賀賢的求婚，問到求婚經過？她說：「佢喺我哋去日本旅行時求嘅，我有喊，好感動！因為我哋一齊咗又分開咗兩年，啱啱先一齊番，經歷咗好多，所以會好好珍惜大家。」她坦言仍未定下婚期，因為對婚禮的形式仍三心兩意：「又想喺澳洲搞，又想喺峇里搞沙灘婚禮。」提到未婚夫比她大24歲，李姿敏坦言起初父母會抗拒及介意，但相處後覺得沒問題。

文：音樂組　

攝：張福宏