洪卓立湯怡匿家鑽研三級片
藝人洪卓立（立立）、湯怡（Kathy）和陳家樂等前晚出席電影《深海浩劫》首映，立立直言與女友Kathy看電影品味不太相同，Kathy愛睇刺激戲，但最怕睇鬼片，他笑說：「有時一班人食飯，我就會開鬼片睇，佢（Kathy）完全唔得，我要睇就叫朋友上嚟陪我睇，但佢就會走入廚房。初初拍拖時，我會同佢講吓出Trip嘅奇怪經歷，但佢就叫我唔好講，後尾先發現原來佢咁驚！」
問二人是否多睇「愛情動作片」？立立說：「有睇愛情片，同埋動作片！（有冇睇AV先？）AV影音有睇，關於科技o架嘛！」Kathy則為男友擋駕，代答被問及二人有否睇三級片：「三級片都有血腥、鬼片o架嘛！（色情片呢？）你要問佢喇！我就冇見過佢睇嘅。」立立即說：「我唔係（色情片）o架！」
