柳妍熙古巴晒D Cup胸器
歌手柳妍熙（Shay）遠赴古巴拍寫真集大騷完美Body，不過其36D上圍都不及其膽子大，不懂游泳的她更因一時任性跳落海影相，令腳部受傷流血，事後她猶有餘悸說：「遇險嗰一刻，好驚，有諗今次死梗喇。」
由國家級田徑運動員轉型做歌手的柳妍熙（Shay）早前到古巴拍處女寫真＋遊記，定於10月初推出。Shay以十多個造型亮相，更穿上泳裝大騷不足一個月內減20多磅的成果，雖然並非穿三點式，然而一件頭泳裝已凸顯其36D堅挺「胸器」與靚腿。Shay接受電話訪問時說：「一件頭泳衣已經係我終極底線，為咗keep fit，我只食無糖、無鹽、少油嘅烚菜，因為減食得太厲害，出現血糖過低，體質差咗，依家要調理番。」
「心諗今次死梗」
談及古巴10日行程，她最難忘是在著名的Varadero海灘險遇溺，事緣她當時被美景所迷，遂跟攝影師構思在海中心影相，工作人員歡天喜地跳落水，她跟住跳就發生意外：「我瞞住佢哋我係畏水，亦唔識游水，我諗住豁出去博一博，點知落到水嗰刻我好驚，立即捉實船邊怕沉落海，工作人員好耐先發現我有異樣先拉我上水，見我對腳流晒血，原來我被船底啲蠔殼鎅損對腳，因為船上冇急救藥，只好用礦泉水沖腳。」
問險遇溺時的感覺？她說：「嗰種恐懼好恐怖，心諗今次死梗，好在我有運動員底子，對手夠力死捉住船邊，否則後果嚴重，我上船後對腿流晒血，啲人驚到靜晒。」她謂後悔一時罔顧安全，令團體受驚，現時腳上仍留有疤痕，慶幸沒影響拍攝，她說：「太驚險，事發至今，我唔敢講畀阿媽知，或者我認真咁學吓游水。」
考慮借種生B
Shay在古巴遇上不少靚人，邀請了兩名俊男模特兒拍攝寫真，她說：「我哋有交換聯絡方法，佢哋都想嚟香港發展。」不過她不愛外籍男，相信難有發展機會，又謂：「其實我好想生個混血BB，但我鍾意華人多啲。（借種生B？）可以諗吓，但怕阿媽鬧。」
文：音樂組