圓圓爆加讚唔知抱邊個先

「玩具大王」新抱汪圓圓及家姐汪詩詩、藝人胡定欣、袁偉豪、陳展鵬、黃芷晴及翁嘉穗等，昨日出席Harvey Nichols Landmark專門店開幕活動。「大美人」李嘉欣及老公許晉亨亦有現身，嘉欣更全程十指緊扣，拖着撐拐杖的老公讓傳媒拍照。

封肚兩年專注湊B

已育有三名子女的汪圓圓身穿寬身連身裙示人，問到是否再度有喜？她笑言：「唔係，舒服啲。（努力中？）唔係，努力湊B。（封肚？）Never say never，不過呢兩年都封。（獲老公蔡加讚批准？）佢話ok，因為有時出去公幹幾日，返到嚟好掛住小朋友，但唔知抱邊個先好。（老爺、奶奶都ok？）佢哋想愈多愈好，不過都好開心，依家都唔少。」圓圓又指大女Celine愛得到注意，自覺誕下一對孖生弟弟已對她不公平，加上孖仔有伴，故會多投放注意力在囡囡身上。

袁偉豪廿四孝男友

而近日密密出席活動搵真銀的胡定欣，被問到何時買樓？她說：「努力緊。」提到其好友胡杏兒盛傳與老公疑似嗌交一事，她透露受杏兒所託代為澄清：「佢哋好sweet好恩愛，唔使擔心。」至於袁偉豪自言平日外出或去遊車河，亦會向港姐女友岑杏賢報告行蹤。問他是否「廿四孝男友」？他說：「未算，繼續努力緊。（欠搵錢？）努力打好基礎，唔養自己都要養人。」

胡定欣直言希望劇集《城寨英雄》能於年底的頒獎禮上取得好成績。	李嘉欣與撐拐杖的老公許晉亨十指緊扣恩愛到場。	黃芷晴

文：名人組