打拳收身專操翹股

擁有大眼及娃娃聲的WingWing，予人弱質纖纖感覺，其實她非常喜歡運動，不時打泰拳、游水及踩單車，難怪喼得索爆身材及23吋纖腰，她說：「暫時最滿意係Pat Pat，有啲肉又夠翹，我平時都有做運動專門提升臀部，着貼身牛仔褲會好睇啲，好多男仔都讚！我心目中理想身材係有少少肉，但要結實，有冇運動睇得出好大分別，我就嫌對腳未夠幼，而且要再練馬甲線。」入行約兩年，她曾接拍不少外景拍攝及廣告工作，直言體力消耗甚大，又要被蚊叮及日曬雨淋，但為工作絕對值得，之後亦想向演員路發展。