歐詠怡愛功夫男得閒過招
新進模特兒歐詠怡（WingWing）擁有大眼俏臉，形象嬌滴滴，想不到其父原來開拳館，耳濡目染之下，WingWing分外欣賞武功高強的男士，更以大隻父親的外形作指標揀男友！
眼大面尖的模特兒歐詠怡天生美人胚子，更擁有32C索爆身材，霎眼看貌似日本組合AKB48前成員板野友美，亦有點本地嫩模Yumi（尹蓁晞）「全盛時期」的感覺，是不少男士喜歡的類型。
嬌滴滴的外表下，WingWing其實有顆堅強內心，近月苦練泰拳，望成功挑戰做打女，她直言是受開拳館的父親影響：「由細到大都覺得打功夫好型，爸爸有教我幾招防狼，不過佢覺得女仔唔使咁打得，所以冇正式傳授武功畀我，佢知我學泰拳都好支持，有時叫我耍兩招，有畀吓意見。」
封李小龍做偶像
WingWing自幼封國際巨星李小龍做偶像，直言欣賞過對方所有電影，近年則喜歡「宇宙最強」甄子丹，大讚是其擇偶條件典範：「尤其喜歡佢做葉問，打得好靚又發揮到演技！（揀男友都要打得？）會加分，想男友有番咁上下大隻，保護到我，最好識功夫可以教我，不過暫時未搵到一個好似爸爸咁大隻結實。（有咩其他條件？）孝順、錫我，唔使有錢同靚仔，性格夾就OK。」她又自認浪漫，經常會為男友炮製驚喜，最叻整甜品，笑言箍男友最緊要箍其胃。
Profile
歐詠怡（WingWing）
年齡：23歲
身高：1米65
三圍：32C、23、33
興趣：游泳、打拳、踩單車
簡歷：加入模界約兩年，曾拍攝不少廣告，擔任婚紗攝影模特兒及主持遊戲活動，眼大大獲封「港版板野友美」。
https://goo.gl/p0ouFN
文：影視組