張繼聰爆囝囝肝鬱有心事

前晚張繼聰、周柏豪、連詩雅（Shiga）、雨僑、林敏驄及電影公司老闆蕭定一等，出席電影《西謊極落之太爆太子太空艙》煞科宴，雨僑晒「線頭」亮相，林敏驄則「搞鬼」玩褲鏈上台。阿聰透露趁拍片空檔趕到現場，其手臂更有損傷，他說：「啱啱拍完斬人戲，當時自己成頭假血，擔心嚇親啲街坊。」

陪老婆食車仔麵

談及其妻謝安琪（Kay）佗B女，問到兒子張瞻是否已接受妹妹即將出世？阿聰就搞笑表示，早前一家人去睇中醫調理身體，結果兒子被指「有心事」：「順便叫佢睇埋，中醫話佢肝鬱，問佢係咪有心事！所以我成日輔導佢，相信妹妹出世時，佢會冇事。」阿聰忙於賺奶粉錢，是否沒有時間陪伴大肚Kay？他說：「我成日陪佢做產檢，不時帶佢食消夜當拍拖，唔使開工就畀晒時間佢，佢頭三個月食唔落嘢，BB頂住佢個胃。依家佢想食車仔麵，開車過兩條隧道帶佢食。」

三重保玩明星賽

此外，周柏豪表示將於10月8日參加方程式賽車明星賽，目前正努力練車，問女友會否擔心他？柏豪搞笑地說：「冇人擔心過我，可能大家對我有信心，反而我擔心自己！」並說已買重保險，又出動私伙頭盔及頸鎖作保護。而Shiga就笑言揸車左右不分，幸考牌時卻一take過：「我有時揸車轉彎會唔小心踩咗油，又試過一個月內撞兩次車。」

張瞻、謝安琪	林敏驄（右）帶愛犬出現，成功吸引雨僑（中）及連詩雅。	蕭定一跟各人乾杯。

文：影視組