蕭正楠姦陳自瑤驚王浩信嬲豬
被抽起多時的劇集《巾幗梟雄之諜血長天》於10月1日在myTV SUPER重出生天。蕭正楠自爆角色充滿獸性逢人姦，連老友王浩信妻子、劇中老婆陳自瑤也不放過，他坦言角色重口味，拍完後不能即時抽離角色。
視帝黎耀祥、蕭正楠、陳自瑤、劉江、謝雪心等昨日在將軍澳出席myTV SUPER《巾幗梟雄之諜血長天》記者會。飾演蕭正楠奶媽的謝雪心笑指對方飲她的奶水長大，司儀聞言即向蕭正楠說：「我以為你飲黃翠如嘅！」蕭正楠尷尬說：「記者會原本好地地，突然令人好不安。」
「合埋對眼唔理」
與陳自瑤演夫妻的蕭正楠，因喪子之痛變得獸性大發，連老婆陳自瑤都強姦。問蕭正楠可擔心老友王浩信看這場強姦戲？他說：「都尷尬o架！同王浩信都熟，唔熟就唔使理啦，哈哈。（怕女友翠如唔鍾意？）拍嗰陣都未識佢，大家都係為角色，拍嗰陣女仔都唔尷尬，我又何必尷尬？咪合埋對眼唔理。」他自爆在劇中逢人姦，胡杏兒亦是受害者。他說：「講我角色充滿獸性，除咗食就係強姦，好重口味。（擔心影響形象？）唔怕，以前黃秋生、湯鎮業都拍唔少強姦戲。我之前未做過呢類戲，好嘅演員係需要經歷，但唔想再演，因為拍攝過程，我哋仲攰過女仔，角色經常咆哮，花好多體力，拍完都要時間抽離角色。」
「可能佢話正呢」
陳自瑤被問可擔心老公王浩信看她被姦戲？她說：「OK嘅！分得好清楚。其實場戲都有啲性感，我件衫被扯開，唔知拍出嚟效果點。（唔畀老公睇？）唔會，可能佢話正呢。（多唔多強暴戲？）唔多，咁強姦法唔掂。」
《巾》劇拍攝三年後終於「解禁」，當時盛傳因黎耀祥被雞姦及有不少強姦場面而被抽起，對於劇集宣傳強調「一刀不剪」，黎耀祥說：「唔知啊，但係公司有咁嘅講法，相信應該剪得好少。（有冇雞姦戲？）都係用意識、劇情、背景交代，強姦戲都係嘻嘻嘻，就已經cut機。大家咁耐經驗，點會拍啲出唔到街嘅戲，你估拍嚟自己睇呀？」並透露與杏兒有咀戲及床戲。
另外，黎耀祥日前與李佳芯及蔡思貝到新加坡宣傳《星和無綫電視大獎2016》，吸引大批粉絲逼爆會場，三人更與粉絲玩遊戲。
文：影視組