黃心穎蜜會猛男高層斷正冧讚筍盤
無綫小花黃心穎入行以來雖然緋聞多多，但27歲的她感情一直未有着落，早前自爆有神秘意中人的她，原來已暗撻一名年紀相若、任職電訊公司高層的猛男Ian Chan半年多，心穎更不時往男方寓所蜜會。日前心穎與Ian約會後還管接管送，拍拖斷正的她事後回覆本報時，甜笑大讚Ian：「佢的確係筍盤！」
27歲的黃心穎曾與不少男星傳緋聞，Dry足四年的她，眼見身邊好姊妹如岑麗香等愛情得意，難怪一直恨拍拖的心穎BB要「急起直追」！早前她自爆有心儀對象後，在活動上再被追問是否已被追求成功時，她曾大賣關子說：「唔知呢！」但其實她半年多前已覓得筍盤，暗撻一名與她年紀相若、於電訊公司任職高層的猛男Ian Chan，據悉心穎不時夜訪男方位於土瓜灣的寓所，兩人更以情侶身份出席友人聚會。心穎BB於今年一月慶祝27歲生日時，Ian亦以男友身份陪同慶生。
密密掃貨扮靚
日前心穎難得不用工作，即與Ian蜜會，當日下午四時許，心穎驅車離開寓所，直駛男友位於中環的辦公室，見她於男方公司逗留約兩小時才雙雙離開，表現體貼的心穎，還管接管送，接載男友前往尖沙咀傾生意，Ian下車後即往該處的食店會合友人，至晚上十一時許才返回土瓜灣寓所。至於沒有男友陪伴的日子，心穎連日來駕駛其「接仔戰車」外出，有愛情滋潤的她，除頻頻置新裝扮靚靚外，又買了不少護膚品。
「拍拖都好正常啫！」
事後心穎接受本報訪問，對於與Ian拍拖斷正，為保愛苗的她例牌否認戀情：「同Ian係朋友，我哋識咗幾年，因為大家有共同朋友，間中會大班朋友一齊出去玩。」提到男方條件優勝，有否機會發展，她有所保留地說：「暫時冇可能，呢一刻為止都冇諗過，不過冇嘢係冇可能嘅，亦都唔可以排除，佢的確係筍盤，亦係好多人心目中嘅理想對象，我真係拍拖談戀愛時就會同大家講，其實拍拖都好正常啫！」
文、攝：追蹤組