雷頌德讚老婆多功能
歌手雷頌德（Mark）昨日帶同旗下新人歌手張美儀，出席赤柱舉行的電單車巡遊活動。Mark是電單車發燒友，家中有三架電單車，就連太太梁家玉都有電單車牌，問他可有載太太遊車河？Mark說：「自從太太拍咗煮食節目後，都冇乜時間啦，有時間都用嚟瞓覺。」
問他最貴的一架電單車花多少錢？Mark笑言：「咁耐唔記得啦，唔係講錢，係講花嘅心機價值，架車性能值好高o架！（如揀老婆咁？）係，要多功能，但冇諗住有個功能係管住我嘅！（以前想買乜都得？）係啦，但管住係要嘅，有咗小朋友係要有啲好理智嘅人去管理家庭。」
另外，好友馮德倫新婚返港，可有聯絡對方？Mark說：「有傳短訊。（可會補擺婚禮party？）好似冇嘞！」