生日收六卡巨鑽48歲翁虹保鮮全靠夫管嚴
「美魔女」翁虹前晚舉行派對慶祝48歲生日，盡騷保養得宜的索爆身段，剛巧亦是她與老公Will相識十周年紀念，收到六卡心形藍寶石戒指做禮物。問到如何保持不老外貌時，她表示多得老公長期「夫管嚴」，衣食住行全部受到監管，並笑言：「雖然有時覺得好似被佢嫌棄咁，其實佢出發點都係想我健康，我真係好幸福。」
已多年沒在港過生日的翁虹，適逢回港與87歲母親過中秋，前晚順道慶祝48歲正日生日，雖然囡囡「小水晶」下月已9歲，但翁虹仍保養得宜，不停被讚是「美魔女」人辦，一對美腿依然煞食。
生日Party在灣仔一間高級餐廳舉行，翁虹說：「因為我好少喺香港，加上今日仲係我同Will相識十周年紀念日，所以佢特別為我搞咗呢個party。（老公送咩禮物？）我哋屋企一向都唔着重物質生活，因為今年雙重意義，佢重手少少，送咗隻心形藍寶石戒指做禮物。（六卡重喎？）幾多卡唔重要，我注重心意多啲，總之4.8卡以上啦！正好配合我真實年齡。」
衣食住行受監管
問到如何長期保持最佳狀態？翁虹笑說多得老公多年來「嫌棄」，成為她的保養動力：「我老公係營養專家，對衣食住行都比其他人要求高，有時我想放縱食嘢，佢會喺旁邊提醒我咁食法好唔健康，又不停提醒我有時間就要做運動，有時都會覺得幾大壓力，但佢出發點都係想我健康，其實真係好幸福，所以人家係妻管嚴，我就係夫管嚴。」她自嘲天不怕地不怕，最怕老公同老媽！而她的生日願意是母親身體健康，可以更多時間盡孝道。
文：影視組