名模趙嘉懿（Carrie）昨日出席女童軍活動，見她比之前消瘦不少，她坦言因在暑假陪伴一對子女所致：「暑假安排咗好多活動畀小朋友，一星期上14堂。我每日只係瞓得五個鐘，雖然攰但好開心，可能做囡嗰時瞓得太多，所以要還。依家小朋友開咗學，會舒服啲，希望呢兩個月可以肥番。」
Carrie稱女兒現時兩歲多，將來會讓對方參加女童軍訓練獨立性及紀律：「我六歲就參加女童軍，因為細個好怕醜，屋企人想我多啲同人溝通。我有做過隊長同旗手，有好多美好回憶。大仔依家六歲，我有訓練佢獨立。」
