呂方入紙再戰紅館

歌手呂方昨日為演唱會發燒碟舉行簽名會，吸引不少歌迷捧場。由於版權問題，專輯僅收錄去年演唱會其中12首歌，他說：「不過音質真係好靚，我把聲仲靚！」他有意再出發燒碟：「依家市場好接受呢樣嘢，都想試吓唱人哋嘅歌，例如蘇永康、林憶蓮、張惠妹甚至黎明。」並自爆已入紙申請紅館檔期，問到是否明年開騷？他說：「呢樣我揸唔到主意，總之申請咗，幾時就未知。」他又自爆試過發燒開騷：「狀態一定會差啲，但嗰陣廿幾歲，用體力同意志力頂住。」並透露2011年個唱前兩、三星期失聲，要打開聲針。