王子涵旺角擺檔 狗仔吸客

王子涵親手執貸，又帶埋狗仔氹客人開心。

王子涵、孫慧雪及旅遊達人周雅霏，昨日在旺角一個室內市集擺檔，劉佩玥亦有到場支持！子涵由昨日起一連三日擺檔，售賣代理的台灣面膜及二手衫，她更帶埋狗仔做「招財犬」，氹得客人非常開心！

子涵笑言主要是攞經驗，冇諗過賺錢：「有啲衫一百蚊三件，最貴都唔過二百蚊，其實主要係賣面膜，想試吓創業，但要賣埋衫先收支平衡。（生意點？）之前比較靜，可能啲人中秋玩得太夜，今日就幾好！」問到會否怕被指堂堂大導演女兒在旺角擺檔？她大方表示凡事兩面睇：「可能有啲人會話老竇閂水喉，但亦可以話星二代靠自己辛勞試創業，希望大家正面咁諗。（爹哋有冇畀意見？）冇呀！」

放大圖片	劉佩玥（右）現身市集，為周雅霏（中）及王子涵打氣。	孫慧雪Sell手作仔 雪雪戴上眼鏡玩低調，依然被Fans認出並要求合照。

Fans影相冇幫襯

至於雪雪只擺檔一天，吸引不少途人合照，包括年輕男女及太太級Fans。她主要售賣來自印尼的手製小木偶、親手製作的手鏈等精品，以及剩餘小量的寫真集，但她笑言明星效應無助銷情：「大家好怕醜，同我影完相就走，所以我盡量安靜啲坐低，等人專心睇貨。」

文：影視組