Kim趷籮攞彩 朋友得個影?

真人騷女星Kim Kardashian向來愛博出鏡,即使前日在社交網站Instagram祝女友人生日快樂亦不例外。Kim一口氣上載多張同「壽星女」的合照,仲張張都Tag埋對方個名,不過每張相都是Kim當主角。

當中Kim對住鏡頭趷籮,壽星女原來只是玻璃門中的倒影,Kim留言:「好鍾意我們的合照。」再加一張壽星女抹嘴照:「多謝你經常吃我吃剩的食物,因此不用浪費。」就算有張相見到壽星女正面大笑,都是以Kim的巨籮做焦點,同Kim做朋友真係唔話得!另外,Kim前日於Snapchat晒全裸照騷健康膚色,仲唔覺意走點!