連詩雅跑5K變落湯雞

歌手連詩雅（Shiga）、鄭融與DJ朱薰一家昨晨出席跑步活動，眾人冒雨出賽，Shiga說：「重點唔係跑唔跑得完5K ，而係今朝要好早起身，早跑狀態永遠都麻麻，因為（前一晚）通常都瞓唔着。」鄭融則是首次在主題公園賽跑：「我見到白雪公主，好想走埋去影相，但排隊嘅人龍太長，我怕出面嘅同事要等我太耐。」
Shiga唔夠瞓，狀態一般。
Shiga唔夠瞓，狀態一般。

至於朱薰被問到早前以逾1,800萬購下複式單位，她說：「其實好甘(0架)，有排捱，但為咗兩個細路有多啲空間，都冇辦法，頂硬上啦！（做小富婆？）唔富啦！畀晒出嚟！」提到好友少爺占去年以逾2,600萬購入連天台單位，今次可有向他取經？她坦言有邀請阿占陪同睇樓，不論投資還是工作上都會問他意見。

Shiga同鄭融冒雨出賽，變咗落湯雞！
  • Shiga同鄭融冒雨出賽，變咗落湯雞！
朱凱婷擔住遮，拖實小朋友跑向終點。
  • 朱凱婷擔住遮，拖實小朋友跑向終點。
朱薰一家大細齊齊出賽，不過乖仔有少少扭計。
  • 朱薰一家大細齊齊出賽，不過乖仔有少少扭計。