愈縮愈短蔡思貝狂扯蠱惑裙

蔡思貝搖身一變重振「發電廠」之名，但條裙似乎令佢相當唔自在！

被指是無綫新一代發電王的蔡思貝，雖然有正印排舞師男友麥秋成，但依然不時傳出緋聞。日前下午4時許，蔡思貝獨自現身中環，腳踏人字拖、手執外賣盒及飲品的她一頭亂髮，冇厘精神，身為港姐兼無綫上位花旦，這身打扮可說是Hea到爆！難怪她在燈位等過馬路期間，完全沒有被途人認出！

急急腳揸車走人

見她匆忙行入髮型屋扮靚，兩小時後，蔡思貝Set完頭、化好妝兼換上戰鬥格十足的單膊貼身露腰裙步出，縱使未有換走人字拖，都頓時成個醒目晒，沿途不時有人眼望望投以注目禮。蔡思貝的超貼身靚裙雖然將其美好身段表露無遺，但就似乎太短，每行幾步會向上縮，愈縮愈短之下，其步姿變得相當不自然，害怕當街走光的蔡思貝每行兩步便出手扯低裙子，扯完前面再扯後面，神色尷尬的她途經名店亦懶得入，最後急急腳行去停車場，取車後立即走人。

蔡思貝扯完前面扯後面，非常唔得閒！	蓬鬆頭髮配人字拖，加埋頹爆表情，蔡思貝跌晒Watt噃！	其實蔡思貝平日都會着短裙出活動，照計短裙應該難唔到佢吖……

文、攝：追蹤組