馬浚偉六萬金豬送楊怡出嫁

藝人楊怡和羅仲謙將於10月2日在港註冊結婚兼擺酒，一對新人近日已積極向親友派發喜帖。曾合作電視劇《守業者》的馬浚偉與楊怡一向老友鬼鬼，更以「兄妹」相稱。馬浚偉早前欣賞舞台劇時，已在後台向「阿妹」送上厚禮。昨日，馬浚偉就透過社交網公開事件，原來厚禮是三隻大金豬和六隻小金豬，睇嚟呢個「阿哥」都好想楊怡快啲生小朋友。

一家九口五両重

三大、六小的金豬夾夾埋埋都有約五両重，價值約六萬港元，認真大手筆！馬浚偉在社交網留言：「楊咩（楊怡），收到你的囍帖和禮餅，做得你哥哥一定到賀！當然，妹妹結婚，做阿哥又怎能不出手！這金豬牌可愛吧？真的大過拳頭o架，記得戴住影相啊，哈哈！祝你和him（謙）仔永遠幸福快樂，一心一意一輩子。」

買厚禮等見嘉欣

馬浚偉接受電話訪問時笑言：「份禮都好貴o架，係阿怡咋，我親細妹都未打隻咁嘅金牌畀佢。」對於另一個「妹妹」鍾嘉欣亦剛為人母，問到會否送上同樣「厚禮」，他笑言：「我話明會等佢返來香港，或者我親自過去先送畀佢。」

文：專案組