軒仔直播演唱會萬人View
歌手張敬軒昨晚以新人「Singlando Gonlando」身份在網上舉行一小時直播演唱會，吸引多位藝人好友支持，包括泳兒、趙學而、鄭欣宜等，最高峰時更獲1.1萬網友同步收看。初時因網絡擠塞令直播出現問題，幸幾分鐘後恢復正常。
一開始軒仔以粉紅色爆炸頭現身，並抵死地說：「去咗泰國做手術，減咗啲嘢，未加嘢，喉核未切除。」之後他除去假髮，並唱出容祖兒、吳雨霏、徐小鳳等人的歌曲，唱到祖兒的《誰來愛我》時，他自稱「容嫂兒」，又向她挑機，自言有機會提名「最受歡迎女歌星獎」：「今年有我同佢（祖兒）喺頒獎禮鍊吓！」
唱完後軒仔說：「人生好奇妙，喺廣州讀書嘅時候，冇諗過會認識唱呢首歌嘅歌手，依家仲係同一間公司，亦喺大家心裏面有特別位置。」之後他回答網友的問題，有人問他可有泰國或越南血統？他說：「近期興『lur』啖口水做血統測試，測試結果我有94%係廣州人，6%係越南人。」最後他唱了一首medley，笑言此是告別演唱會，明天開始會「加番嘢」變回張敬軒。