張寶兒眾望所歸奪友誼小姐
藝人陳百祥（阿叻）與十位港姐佳麗昨日出席《2016香港小姐競選》的「友誼小姐」互選活動，結果由(3)張寶兒（Bowie）當選友誼小姐，並獲眾佳麗送吻慶賀。對於獲獎，Bowie大感愕然，她直言(10)單文柔才是她心目中的友誼小姐：「多謝大家鍾意我。（自覺人緣好？）大家都好朋友，我本身投(10)，佢會幫大家手搵舖整指甲。」
提到以往的「友誼小姐」多數攞不到其他獎項，問Bowie有否信心打破「魔咒」？她笑說：「兩樣嘢冇直接關係，邵珮詩都攞友誼小姐同冠軍。」講到好友麥明詩屢傳分手，Bowie直言跟對方少傾感情事，又稱對方向來對伴侶有要求：「聽聞過，但少傾呢啲。（打電話安慰佢？）佢幾好，唔需要安慰。」至於單文柔被指是是非精，她直言對傳聞「得啖笑」。此外，同場的陸浩明問擔任港姐和港男司儀的阿叻會否穿泳褲上陣？他笑說：「唔會，我驚佢哋（港男）輸，但我都唔係賣身材。」
