Lea T.嫌瘦嗌黐線！
斯洛伐克索模Lea T.擁有34C上圍及健美身形，五歲學跳芭蕾舞，父親更是健身教練，她自覺以前太瘦，近三年開始努力做運動及調節飲食，Lea說：「每日都會做兩次運動，瑜伽、泰拳、拳擊、跑步、室內單車、HIIT（高強度間歇訓練）都有。」
Lea學過營養學相關知識，她戒吃飯及麵近半年，只吃蔬菜、水果及肉吸收蛋白質，每晚七時後不再進食。Lea認為身形未必合乎外間對瘦的標準，但自覺算平均：「有人話我太大隻，我覺得瘦但啲肉好鬆仲唔靚，我鍾意結實肌肉。如果要好似外面嘅人要求咁瘦，我估我會黐線，有時啲客會覺得我唔夠瘦而唔揀我，但冇可能滿足晒所有人，當然我睇到報道寫我唔好，會好唔開心會喊。但我會繼續做自己，健身做運動其實為咗減壓，令我放鬆。」
