玄學星相：伍允龍劉佩玥緣分差少少
《東網巨星》娛樂節目《玄學星相》播出後反應熱烈，深受觀眾歡迎。最新一集就由堪輿學家雲文子，以玄學角度全面分析伍允龍與劉佩玥會否發展。外形登對的伍允龍與劉佩玥，於《城寨英雄》的生死戀震撼人心，究竟他們有沒有機會真的發展成戀人關係？雲文子說：「其實佢哋都有少少火花，不過講到視對方為真命天子，可能緣分差少少。（其實網友都想撮合劉佩玥同張彥博，到底劉佩玥同邊個夾啲？）其實張彥博比較接近劉佩玥嘅格局，因為佢哋嘅格局『比和』，會容易做到朋友傾到偈。」
伍允龍有轉機
伍允龍入行多年，直至今年才成功打出一片天，原來與他的命格有關，雲文子說：「因為佢命宮臨『九地入墓』，代表佢比較遲先會有突出嘅成績。不過，佢今年有太歲生旺，即係事業方面有轉機，特別由依家開始到下年年中都比較旺。」究竟劉佩玥之後的事業走勢如何？想繼續聽師傅點講，只要Click入《東網巨星》的「視娛樂」，睇《玄學星相》就更啱Feel！
文：專案組
http://goo.gl/uQh4WJ