胡定欣貼身護展鵬捱打都要型

演員胡定欣、陳展鵬、袁偉豪、王君馨等演出的無綫劇《城寨英雄》，大結局收視點達35.2，約228萬5千名觀眾收看，成為自2013年起無綫自製劇大結局收視最高的成績，無綫昨晚特別舉行慶功宴，筵開十四席，場面熱鬧。

情侶檔斟洽商演

胡定欣和陳展鵬坦言很開心劇集慶功宴一餐接一餐，二人於劇中情侶檔相當成功，已有不少相關廣告和商演接洽中。承接二人於《城寨》打得出色，他們在新劇《同盟》再度合作，今次是由飾演保鏢的定欣保護展鵬：「監製以為我哋係動作演員咁，點會放過我哋呢？我係演一名保鏢，啲衫都係又貼又短，仲要冬天拍，雖然凍但都未必打到底，同埋都驚會有磨損，預捱打！（多損傷？）唔緊要，最緊要有型！」新劇中演高富帥的陳展鵬表示：「打就一定要打，今次係時裝劇，應該可塑性大啲，可以拍續集、電影版嘅機會亦都大啲。希望好似《城寨》咁，帶到觀眾去睇另一個世界。」

趁機向監製打聽

打鐵趁熱，定欣非常希望可以開拍《城寨》電影版：「見到監製、珍姐（曾勵珍）時都會趁機會問吓，我恨到口水流！」當展鵬只說「都可以嘅」，即被定欣打斷：「唔係話可以，要表現好想先得！」

袁偉豪工作忙碌，可能見王君馨比見女友還要多。	慶功宴筵開十四席，台前幕後氣氛熱鬧。	林偉與吳家樂在劇中被王君馨打死，可憐現在仍要捱打。

同場的袁偉豪被問到他廿年前「薯嘜」相被網民翻炒，他笑說當年只得十五、六歲：「個個男仔都係咁，生理變化未完全，o靚仔咁，當年算唔錯，依家睇就話Out啫！」

文：影視組