偉仔鬧雙胞邊個先係真？

影帝梁朝偉（偉仔）多年未有演出喜劇，最近他接下馬楚成執導的「攻略系列」電影第三部曲《歐洲攻略》，亦是自《東京攻略》及《韓城攻略》後，相隔十一年再度飾演私家偵探「林貴仁」，加上有「小鮮肉」兼韓國男團EXO前成員吳亦凡及內地女星唐嫣等人參演，自然萬眾期待！而新片正於意大利取景中，惹來不少粉絲到場追星，更拍下「兩個梁朝偉」同時出現的照片。

偉仔御用替身

昨日網上瘋傳數張拍攝花絮照，其中梁朝偉與其替身徐上威同穿白Tee及黑褲現身，無論外貌、衣着、髮型及動作，均猶如雙胞胎，「兩個梁朝偉」齊齊現身，相當搞笑。照片一出引起大批網民爭相認人，笑言恐怕連梁朝偉太太劉嘉玲亦難以分清本尊。而「梁朝偉二重身」徐上威現年43歲，早於電影《擺渡人》時已做過梁朝偉的替身，亦曾演出內地網絡電影《極限使命》等作品，與梁朝偉輪廓相似的他，戴上墨鏡後更幾可亂真！

徐上威曾與陳奕迅合照。	除咗劉嘉玲，你哋識唔識分呢？開估，右邊先係真偉仔。	徐上威在社交網上載與本尊的合照。

胸肌腿形有別

梁太劉嘉玲接受本報的電話訪問，她透露一眼已認出老公，並冧爆指：「一眼睇得出啦，從身形、腿形、胸肌同姿勢各方面都睇到有分別，好似偉仔嘅胸肌橫啲，因為佢做開Gym。（個替身同偉仔似唔似樣？）確實幾似，都有八成似。」她續指人有相似不足為奇，又自爆曾誤認一名男星的替身為真身，與該替身聊天後才發現認錯人。記者笑問嘉玲與老公低調約會時若被傳媒發現，會否考慮找徐上威當替身「調虎離山」？她笑言：「都幾得意，不過唔會，偉仔份人好低調。」

徐上威呢張相，絕對可以話自己係偉仔！	梁朝偉與吳亦凡同場演出，令人期待的組合。	導演馬楚成在歐洲投入拍攝工作，廢寢忘餐。

影帝拍戲，電影公司當然招呼周到，主要演員均獲安排一部流動休息車，供他們不用埋位時使用。而片場亦提供多款不同類型的食品，相當細心。

文：專案組、影視組