吳君如：攞呢個獎好似年輕咗！
吳君如首套電影《霸王花》由成龍監製，二人甚有淵源，得聞對方獲終身成就獎，君如昨晚在首映活動上即報予恭喜：「恭喜晒大哥！但佢咁後生攞呢個獎好似年輕咗！（首位華人獲此獎！）佢都苦幹咗咁多年！係佢螢幕上嘅成就！（實至名歸？）佢都做咗咁多年啦！我第一套電影《霸王花》都係佢監製，換轉如果自己要攞獎，要捱多十幾廿年。」
另外，多位圈中好友在網上道賀，包括男星李治廷和台灣男星王大陸！曾和成龍合作的李治廷在微博留言：「恭賀大哥！實至名歸！跟大哥一起拍戲的過程中，從他身上看到了太多，也學到了太多！我們的驕傲！」王大陸則趁機示愛，以潮語「麼麼噠」笑說要「親親」，在社交網站留言：「大哥，牛！！華人之光！！愛你麼麼噠！」內地男星孫紅雷和台灣歌手羅志祥以「我們的驕傲」來形容。而薛家燕昨日提到成龍獲奧斯卡頒終身成就獎，她認為是香港人的榮幸：「佢為咗電影由頭到腳都傷晒，搵命博，佢嘅貢獻大家有目共睹。」