翠如手揸「王牌」剋制洪永城

藝人黃翠如、洪永城（Tony）及莊思敏（Jacquelin）等，昨日為無綫新劇《我瞞結婚了》進行開鏡拜神。於劇中與Tony演夫妻的翠如直言在劇中經常捱Tony鬧，Tony聞言笑言：「我發洩咗內心團火，可以名正言順鬧佢！」翠如即自爆有王牌在手，親自致電Tony女友唐詩詠（Natalie）「告狀」：「佢好惡，佢鬧我特別用力。有次佢鬧多咗我，我打畀Natalie，將我對佢嘅不滿講晒出嚟。」Tony即大為緊張地問：「係咩？你打畀佢講咗咩？」翠如就得戚地指詩詠幫理不幫親：「唔話你知，總之我鬧你，Natalie又幫我，佢仲答我『你係咁o架喇！』」問Tony於劇中狂鬧翠如，會否擔心令對方男友蕭正楠詐型？他說：「唔好聽翠如講，我只會喺範圍內演。」