岑麗香出口術護仔

宅男女神岑麗香（香香）日前與居於加拿大的六呎猛男「強強」去台灣玩，更被人見到在酒店泳池火熱貼身抱抱。問香香今次旅行是否與男友同房？她說：「今次台灣旅行四個朋友一齊去，我同另一個女仔同房，去游夜水唔係游完即返房，而係出咗去食嘢。」問到與強強拍拖會否避忌免惹人注目？香香即嬌嗔地說：「唔拍拖喇！」之後認真稱：「都係做正常人會做嘅嘢，又唔係乜嘢錯事，唔會匿埋，平時工作都好辛苦，放假想Relax啲，強強唔係圈中人，希望唔好太關注佢。」