祖兒Twins鎖定接班人基仔約實開枱

李克勤昨日正式加盟英皇娛樂，獲英皇一班師兄師姐謝霆鋒、容祖兒、Twins、張敬軒、古巨基、林峯、陳偉霆、泳兒、鍾舒漫、洪卓立及羅力威等拍片力撐。祖兒笑言知道克勤兩個兒子都喜歡唱歌，有意游說愈大愈靚仔的他們齊齊加入英皇：「我可以考慮吓做佢哋嘅經理人，就咁話啦！」Twins亦Mark實克勤的寶貝仔，笑說：「佢有兩個仔，仲好靚仔添喎，夠分！」霆鋒則抵死表示經理人霍汶希「惡死」，擔心克勤未必頂得順，吩咐他要考慮清楚！至於古巨基於1994年曾與克勤隸屬同一間公司，又大爆當年兩人是雀友，希望日後有機會再齊齊大戰四方城！