31歲英國麻煩女歌手Lily Allen一向爛玩，日前她在倫敦一個嘉年華撐饒舌歌手男友MC Meridian Dan演出時，忘形食煙隊酒，又疑似捲「有料」煙仔，狂歡期間被拍得嘔吐大作兼暈倒，要由數人又扶又抬，最後由男友抬離現場，認真丟架！有目擊者說：「見到Lily咁失控實在好恐怖，佢就好似一袋薯仔咁撻喺男友膊頭上面，簡直係佢嘅新低點！」Lily事後在社交網報平安，自言因空肚飲了兩杯才出事，現時已沒大礙。