陳法蓉西藏遇高山反應休克停工
藝人陳法蓉（Monica）近日到西藏拍攝新戲時遇上高山反應，昨日凌晨她撰文報平安，還指因高山反應情況反覆，需要全面停工，原定昨日舉行的慧妍雅集活動亦要缺席，搞手莫可欣等向她送上祝福，望她早日康復！
陳法蓉日前在西藏拍攝新戲期間遇上高山反應，昨日還在社交平台上載在醫院吊針照，令不少好友及粉絲十分擔心，她寫道：「報個平安，很高興有機會來到西藏，奈何我反覆出現高山反應，8/25出現休克，全面停工休息。原定8/30至9/2的兩個活動已決定不能出席，為此表示十二萬分歉意！」
吸氧紓緩急返港就醫
其經理人向本報記者表示陳法蓉在當地曾休克，幸而同房的助手及時發現，給她氧氣紓緩，情況未算太嚴重，劇組亦讓Monica返港休息，香港醫生表示她已沒有大礙。
昨日Monica缺席在港舉行的慧妍雅集活動，搞手之一的前港姐莫可欣亦送上慰問：「一個月前佢已經話一定會嚟支持我，但今（昨）日都係嚟唔到，我知道佢情況好反覆，希望佢早日康復，我都想了解吓高山反應嘅後遺症，總之希望佢盡快康復！」
朱玲玲打探啟山戀情
而同場的「最美麗港姐」朱玲玲亦有現身活動，透露孫子開始上學。問到有否收看兒子霍啟剛及媳婦郭晶晶的真人騷節目？她笑言：「有，我睇咗兩集，未睇晒。佢（啟剛）唔識跳舞，見到都會笑，佢好多嘢都做到，我都好意外。（傳晶晶因霍家唔夠家用才接真人騷賺錢？）我諗係你哋啲行家嘅宣傳伎倆，當然冇（呢件事）。」她又自爆向二子啟山朋友打探其感情狀況：「有時見到佢啲朋友介紹女友畀我識，咁我就反問佢哋，我個仔呢？佢有冇女友？但佢哋話冇。」她笑指人生是兒子的，另一半要相處一輩子，故不可心急。
文：名人組