拒續約華納柏豪遭雪藏冇歌出
男神周柏豪將拍攝無綫電視劇《使徒行者2》，表面是開多瓣殺入電視圈，但有傳柏豪因拒續約華納而遭雪藏，由年初至今仍未有新歌出爐，歌唱事業陷入冰封狀態。柏豪本身已簽約蕭定一的經理人公司旗下，據知同門師兄張智霖（Chilam）亦快將約滿Neway，老闆阿一即有意為「一哥」Chilam全力打造音樂事業，度身訂造開新Label，更「肥水不流別人田」將柏豪和雨僑等安排於新Label旗下，成為樂壇新勢力。
拍戲拍劇保人氣
然而華納得聞柏豪有意離巢即觸動神經，決定不幫柏豪做歌，令柏豪由年初至今「零」新歌派台，完全在「冰封」狀態，今年成績大有機會「交白卷」。而經理人公司為力保柏豪人氣，除密密拍電影，近日更成功為柏豪接拍無綫重頭劇《使徒行者2》，為柏豪開拓公仔箱市場「棄歌投劇」。日前柏豪出席活動，被問到是否放棄唱歌？他說：「我爭錄音期爭到嘔！（傳你被華納雪藏先拍劇？）邊有雪唔雪，同唱片公司傾緊合約，下年先完。（續約成數？）答唔到，總之公司好錫我。」
「一家便宜三家着」
至於阿一則否認柏豪被華納雪藏：「我哋係一個一家便宜三家着嘅方案，因為我哋淨係想做音樂內容，發行方面會交畀華納做，大家傾緊合約。」而華納發言人表示：「同柏豪傾緊好多合作可能性，但暫時不便透露。」
文：音樂組