林雅詩爆Fans高價收購泳衣
現年38歲的林雅詩（Grace）雖然已為人母，但身材依然火辣，去年更推出寫真集。她透露在個人Facebook專頁有網友一直想以高價收購她穿過的泳衣，令她大感意外：「佢喺Facebook inbox搵我，話我着過嘅泳衣或者寫真集嘅衫都想買，初頭我以為佢講笑，但佢好認真咁列明價錢！（開幾多位數字？）5至6位數字。」
Grace坦言曾有意售出服裝作慈善用途，惟最終過不了心理關口：「以前都諗過不如真係答應佢，將啲錢拎嚟做善事，但都係過唔到自己嗰關！（諗住郵寄定面交？）佢約過我郵寄同面交，總之我肯佢就乜都OK。（咁佢依家仲有冇搵你？）嗰個人Keep住問我，我講過唔賣亦試過唔理佢，但佢日日都問我，我依家都唔理佢。」
