《玄學星相》：林穎彤行正大運貴人助星勢
無綫小花林穎彤與簡淑兒同樣在劇集嶄露頭角，一副甜美笑容秒殺不少網友的心，升格「新紮女神」。《東網巨星》節目《玄學星相》最新一集邀得堪輿學家陳子才，以玄學角度全面分析兩位小花的事業發展。
《東網巨星》娛樂節目《玄學星相》播出後深受觀眾歡迎，最新一集由堪輿學家陳子才以玄學角度，全面分析無綫新紮女神林穎彤與簡淑兒的事業運。
充滿清純氣息的林穎彤，剛於劇集《城寨英雄》中演活慘情「鑫鑫」而成功彈出，對此陳子才分析：「佢由今年開始正式行運，仲行貴人扶持、權力同地位提升嘅大運，再加上『天乙貴人』，結果慢慢將會有好多人幫佢，令到佢事業更加往上推。（之後嘅事業運同樣暢旺？）佢呢個大運有排行，最少行十年！佢以後嘅發展從今年開始上升。」
「又刑又合」惹是非
至於擁有迷人「腰果眼」的簡淑兒憑處境劇《愛．回家之八時入席》中秘書一角而人氣急升，雖然她同時是組合少女標本的成員，但唱歌事業卻有所不及，陳子才認為她較適合拍劇：「其實佢有『食神』同『傷官』兩粒星，分別代表適合唱歌同拍戲，但『傷官』粒星嘅位置靚啲，所以拍劇或者做主持都着數啲。」有傳簡淑兒愈大愈靚似有整容之嫌，陳子才指她今年的運程「又刑又合」，大受歡迎同時亦有不少口舌是非。想繼續聽師傅點講？只要Click入《東網巨星》的「視娛樂」，睇《玄學星相》就更啱Feel！
Link：【http://goo.gl/ifLCSM】
文：專案組