陳庭欣收翟威廉4位數利是
無綫小花陳庭欣昨日先出席「香港先生」活動，之後會合緋聞男友翟威廉、張秀文、楊潮凱及蔡康年等宣傳明珠台美劇《辛普森殺妻案》。庭欣及翟威廉遭張秀文等「逼供」，蔡康年向庭欣說：「摸向你最熟悉嘅胸口，攞番張稿紙出嚟。」問翟威廉與庭欣現時關係？他說：「應該係好好好好嘅朋友。（情傷好番未？）我情緒智商好高。」
剛過生日的庭欣直認與翟威廉慶祝，收到對方大利是：「佢問我攞番個利是封，可能諗住幾日後用嚟包利是出席張名雅婚宴。封利是以佢嘅收入嚟講，算好豐厚，有4位數。（緋聞大狀送咩畀你？）首飾。（好鍾意？）朋友送乜畀我，即使實際好似現金我都鍾意嘅。」提到她在社交網展示戴戒指的照片，她稱：「係一個auntie送，唔係鑽戒，大家諗多咗。」
