周曉彤遭韓籍男友打眼叉頸亂腳踢
前組合MVG成員周曉彤（Ivy）連月來慘遭韓籍泰拳教練男友打眼、單手捏頸及當沙包狂踢虐打，滿身傷痕的Ivy憶述時眼紅紅，形容過去3個多月活在惶恐之中，同時令抑鬱症病情惡化兼手震震。Ivy說：「人生跌咗入黑洞！」
Ivy前晚在個人網誌上載一張手腳瘀傷相片，留言指遭韓籍泰拳教練兼模特兒男友虐打。一小時後，Ivy卻刪除照片。昨日她勇敢站出來接受訪問，透露今年5月經朋友介紹與對方拍拖。她說：「識佢時好正常，之後先發現佢成日飲酒同濫藥，同埋有自殺同暴力傾向。」說到此時，Ivy雙眼通紅兼狂吞口水。
「偷咗我條鎖匙」
冷靜半分鐘，Ivy講述連環被虐打經過：「有次瞓瞓吓，突然一拳打落我隻眼度，又試過單手捏我條頸。（點解唔分手？）自己衰心軟，8月中正式分手。上星期一佢突然開門入咗嚟，佢偷咗我條鎖匙，之後就推我落地同喪踢我，我即刻報警，警方嚟到仲好似幫佢咁，好失望同好無奈，簡直係人生跌咗入黑洞！」
「抑鬱症嚴重咗」
Ivy坦言曾帶對方睇精神科醫生，醫生直指他患有嚴重躁鬱症。Ivy說：「同佢咁耐每晚瞓得好差，好驚佢，佢好恐怖。」患有抑鬱症的Ivy續稱：「因為咁我抑鬱症嚴重咗，仲要加重藥，依家仲手震震。」她又透露對方試過拿刀(界)肚：「佢仲將把刀擺係後面行入房，我問佢收埋啲咩，原來係把刀，我即刻搶走同收埋佢。（唔驚佢殺你？）嚟得太突然同太亂，冇諗咁多。」經過慘痛經歷的Ivy強調不會再同韓籍男子拍拖：「真係好大男人同有陰影。」
文：音樂組
攝：秦健輝